اكتر من بحبك

خلاص مش هقولك بحبك هقولك بموت فيك

دوبت من جمال عينيك عايشه عشان اكون بين اديك

ساكن فى قلبى ودايما عايش انت فيه

بسمع كلمة منك بتوه بس متقولش ليه

كل اما اغمض عينى الاقيك قصادى
صورتك بتحيينى

كل اما المس ايديك شوقى ليك دايما يزيد

مش قادره اعيش عنك بعيده
كل اما ببعد بحس بظلام شديد

ده انت ملكت قلبى وفى سحر عيونك لقيت
جنة الدنيا والحنان اللى بيه حسيت

لو مرة قولت كلمة -بسرح-وبقولك ياريت
تعيدها وتقولها تانى كلمة خلاص حبيت

يوم ما شفتك حبيت بيك الدنيا

بقيت بتمنى اشوفك كل يوم ولو ثانية

نسيت نفسى ونسيت الناس

وبقيت مجرد احساس

بحس بقربك بحس بحبك

بحس بنبض قلبك

عرفت معنى كلمة احبك
واموت فيك

اني ابقى عايشه ملكك وبين ايديك

كل اما اقرب منك واشوف لون عنيك

الكلام بيروح منى -ارتبك- طب ده اسمه ايه

قالوا ده اسمه حب قولتلهم حب ايه

ده الحب اقل كلمة ممكن توصف احساسى بيه

قالوا بس متسبيش نفسك يمكن يطلع وهم كبير

قولتلهم لو كان ده وهم يبقى اجمل وهم عشت فيه

يبقى باقى بس ايه اقوله ليك

يبقى باقى بس انى اقولك بموت فيك