طريقة صنع احلى حلويات

1





شكـولاتـه الشـوفـان

المقادير :: 1 ونصف كوب شوفان - كويكر - ../.. 1 وربع كوب جوز هند ../.. ربع كوب حليب بودره
تحمس مع بعض لغاية ماتشقر ..



وبعدين اضيفي عليهم :
ربع كوب سكر بودره ../.. علبة قشطة ../.. نصف اصبع زبده مذوب
اعجنيهم سوا زين .. وبعدين خذي شوي من الخليط وباستخدام يدك واي شي مسطح عندك
حاول تسوين قالب مستطيل
بالصوره واضح وش اقصد ، وبسكين حاد قطعيهم مكعبات متساويه وحطيهم على ورق زبده ودخليهم الثلاجه او الفريزر لغاية ماتجمد .








الحين ذوبي اي شكولاته خام عندك بحمام مائي ..
واعتقد حفظتوا طريقتي من كثر ما ارددها بالمجلس واللي هي شكولاته خام غامقه مع شوي جالكسي
وغطسي المكعبات فيهم ..







ولما تجمد ذوبي شكولاته بيضاء وسوي فيها خطوط فوق المكعبات





2

كـوفـي كـب كيـك


الطريقه الاصليه عباره عن كيك بصينيه عاديه وخلطه فوقه بس صرت اعمله بقوالب الكب كيك وازينه بالكريمه احلى

مقادير
الكيك :: 4 بيضات ../.. 1 ونصف كوب سكر ../.. نصف كوب زيت ../.. 2 كوب
دقيق ../.. 1 م ك بيكنج باودر ../.. 2 م ك نسكافيه ../.. كوب حليب

الطريقه :: نخلط البيض والسكر لغاية ماتثقل وتبيض بعدين نضيف الزيت وقت الخلط

نخلط المواد الجافه لحال ونضيفها بالتناوب مع الحليب على خليط البيض

نلبس قوالب الكب كيك بالورق ونحط عليه شوي من الخليط وندخلهم الفرن مثل الكيك العادي




بعد ماتطلع نتركها شوي تبرد ونجهز الخلطه اللي فوق

المقادير :: علبة قشطة ../.. 2 م ك نسكافيه ../.. 1 دريم ويب ../.. ثلثين اصبع زبده مذوب

نخلط هالمقادير سوا زين حتى تتجانس بعدين نضيف عليهم سكر بودره مقداره حسب الرغبه

يعني حطي سكر بودره وذوقي لغاية ماتوصلين درجه الحلا اللي تبين ، بس حطي براسك بتحتاجين اكثر من كوب من السكر وخليها حاليه افضل






جيبي الكيك بعد مايبرد وجيبي مصاص العصير وسوي فيه فتحات بالكيك حتى تدخل الخلطه جوا

وشربيهم بالخلطه وكلما طلعت الفتحات ارجعي عبيها وبعدين دخليهم الثلاجه يبردون زين







اخفقي شوي من كريمة الخفق ولما تثقل حطي عليها من خلطة النسكافيه وقلبي شوي شوي بالملعقه

وبقمع التزيين صلحي الكيك من فوق ورشي شوي نسكافيه وقدمي اطلق كب كيك بالدنيا






3

حـلا الكـاسـات

الطبقه الأولى :: علبة بسكوت شاي مطحون ../.. علبة قشطه ../.. فنجان شاي ماء ../.. فنجان قهوه سكر بودره ../.. ظرف كريم كراميل

اخلطيهم سوا وحطيهم بالكاسات






الطبقه الثانيه :: 3 مارس ../.. 3 سنكرس

سخنيها شوي بالمايكروويف حتى يسهل خلطها

بعدين اخلطيها بالخلاط مع : علبة قشطه .. وصبي شوي فوق الطبقه الاولى







الطبقة الثالثه :: 6 حبات جبن كيري ../.. علبة نستله كبيره

تخلط بالخلاط وعالكاسات ودخليهم بالثلاجه لوقت التقديم






وتزين بالشكولاته المبشوره .. وبالعااااااااااااافيه






4

نجي الحين لطبقين الموالح فموضوعي ...

مـكعـبـات التـوسـت

المقادير :: توست طري ../.. مايونيز ../.. اي حشوة عندك - انا صلحتها بحشوة دجاج حقت السمبوسه
لبنه ../.. وللزينه تفنني من عندك : جزر مبشور ../.. زعتر ../.. بقدونس مفروم ../.. سماق ...... الخ

الطريقه :: قطعي التوست اما دوائر وانا استخدمت علبة البيكنج باودر لقيت حجمها هو الانسب
او مربعات مع قطع اطراف التوست




ادهني طبقتين بالمايونيز وحطي بالوسط شي خفيف من الحشوه ورصيهم فوق بعض - يعني بيكون المكعب ثلاث ادوار -



بعدين ادهنيهم بلبنه من الاطراف الجانبيه وقلبيهم بالزينه اللي تبغين


وارجعي ادهني باللبنه من فوق وحطيهم بورق البليسيه وزينيهم من فوق
واذا كنتي عاملتهم بدري غلفيهم زين مره ودخليهم الثلاجه وطلعيهم قبل التقديم بساعه تقريبا
وبالعاااااااااااااافيه




5

كـب كيـك التـشيـز المـالـح


المقادير
:: 2 ك دقيق ../.. 1 م ك خميره ../.. 1 م ك سكر ../.. 1 ك نعناع مفروم
../.. 1 ونص ك جبنه مالحه -انا استخدمت الجبن الهنغاري - ../.. ربع ك زيت
../.. ماء دافيء للعجن -ماله مقدار محدد -
اول شي نخلط الجافه سوا بعدين السوائل وتعجن زين وتترك تخمر مدة ساعه تقريبا




ودخليها الفرن لغاية ماتتحمر من تحت وحمريها شوي من فوق
بعد ماتطلعينها بتلقينها قاسيه كأنها حجر بس لا يضيق صدرك ، غطيها فورا بمنشفه واتركيها تبرد براحتها
بعدين ادهنيها من فوق بلبنه وزينيها بأوراق النعناع والطماطم الصغيره وحطيها باوراق البليسيه وقدميهم وبالعاااااااافيه

ودخليها
الفرن لغاية ماتتحمر من تحت وحمريها شوي من فوق بعد ماتطلعينها بتلقينها
قاسيه كأنها حجر بس لا يضيق صدرك ، غطيها فورا بمنشفه واتركيها تبرد
براحتها بعدين ادهنيها من فوق بلبنه وزينيها بأوراق النعناع والطماطم
الصغيره وحطيها باوراق البليسيه وقدميهم وبالعاااااااافيه